Hadih Maja Aceh tema Paleh

Berikut kumpulan hadih maja Aceh dengan tema "Paleh" atau Jahat

Paleh bruek han jeut ke aweuk

Paleh situk han jeut ke tima

Paleh kulet pisang han jeut ke taloe

Paleh ureung lakoe han sakon guna

Paleh Tanoh cot teungoh kureung aso

Paleh inoeng jiteumanyeng oh lakoe woe

Paleh rakyat jimeuuat rata sago

Paleh raja didinge haba beurangkaso

Paleh pukat hana untung 

Paleh rangkang hana rinyen

Paleh moen hana peupalang

Paleh pang jibeh tungkat

Paleh ureung hana meupakat 

Oh ka meukarat peudong dakwa

Ladom hu u cot Ladom hu ulhok

Nyang bungkok ureung mat punca